Plantun de Prouvènço

Pèr coumpara dos planto d'encò nostre

Salix reticulata & Potamogeton pusillus

Salix reticulata

Salicaceae

Nom en français : Saule à feuilles réticulées.

Descripcioun :
Lou sause-di-fueio-reticulado es un di quatre sause nanet que trachisson dins lis Aup prouvençalo. Se recounèis majamen bonodi si fueio redouno o quàsi, peludo dessouto, e subretout emé de costo founso que ié dounon un èr reticula. Li catoun de flour, de 10 à 30 mm, e pourta pèr de long pecou, aparèisson pulèu tard dins la sesoun. I'agrado li relarg que soun resta de tèms souto la nèu.

Usanço :
Tóuti li rusco de sause caupon de salicino que douno d'acide salicilì dins lou cors, ço qu'ajudo à abeissa li fèbre.

Port : Pichoto planto lignouso
Taio : 3 à 10 cm
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Roso
Petalo : ges
Ø (o loungour) enflourejado : 10 à 30 mm
Flourido : Printèms - Estiéu

Sòu : Ca
Autour basso e auto : 1600 à 2800 m
Aparado : Noun
Jun à avoust

Liò : Coumbo à nèu - Pelouso - Roucaio umido
Estànci : Subaupen à Aupen
Couroulougi : Bourealo
Ref. sc. : Salix reticulata L., 1753

Espigo-d'aigo(-primo)

Potamogeton pusillus

Potamogetonaceae

Autre noum : Poutamot.

Noms en français : Potamot de Palerme, Potamot fluet.

Descripcioun :
Aquesto espigo-d'aigo s'atrobo dins li canau e li mueio mens o mai salado. Fai partido dóu group de poutamot qu'an de fueio longo e primo. Aquéu se recounèis bonodi si guèno d'estipulo que soun pas duberto en plen, e que reston de tèms contro la cambo (mounte i'a ges de ramo que parton) sènso s'escarta.

Usanço :
D'ùnis espigo-d'aigo sarien manjadisso en Asìo.